سندھ کے رہنما سید ذوالفقار شاہ نے عظمیٰ بخاری کے بیان پر ردِعمل دیتے ہوئے کہا ہے کہ عوامی بیانات ہمیشہ حقائق پر مبنی ہونے چاہئیں، نہ کہ غلط معلومات پر۔
انہوں نے کہا کہ پولنگ اسٹیشن نمبر 34، حلقہ LA-40 (میرپورخاص) کے سرکاری فارم 24 کے مطابق پیپلز پارٹی کے امیدوار نے 55 ووٹ حاصل کیے، جبکہ مسلم لیگ (ن) کے امیدوار کو صرف 3 ووٹ ملے۔
سید ذوالفقار شاہ کا کہنا تھا کہ سرکاری انتخابی ریکارڈ کے برعکس دعوے کرنا عوام کو گمراہ کرتا ہے اور جمہوری اداروں پر اعتماد کو نقصان پہنچاتا ہے۔
انہوں نے عظمیٰ بخاری پر زور دیا کہ عوامی بیانات دینے سے قبل سرکاری دستاویزات کا بغور جائزہ لیا جائے، کیونکہ عوامی گفتگو کی بنیاد حقائق ہونے چاہئیں، نہ کہ بیانیے۔
