کراچی کے علاقے نارتھ ناظم آباد حیدری کے قریب ایک رہائشی عمارت میں گیس سلنڈر دھماکے کے بعد لگنے والی آگ کے نتیجے میں ایک نوعمر لڑکا جاں بحق جبکہ چار افراد زخمی ہوگئے۔
حکام کے مطابق دھماکہ عمارت کی دسویں منزل پر واقع ایک فلیٹ میں ہوا، جس سے دسویں منزل کے چار فلیٹس شدید متاثر ہوئے جبکہ نویں منزل کے ایک فلیٹ کی چھت اور لفٹ سسٹم کو بھی نقصان پہنچا۔
ریسکیو اہلکاروں نے ملبے سے ایک نوجوان کی لاش نکالی، جس کے بعد جاں بحق افراد کی تعداد ایک ہوگئی۔ زخمیوں میں ایک خاتون اور ایک بچی بھی شامل ہیں جبکہ تین زخمیوں کی حالت تشویشناک بتائی جا رہی ہے جنہیں اسپتال منتقل کر دیا گیا۔
آگ تیزی سے پھیلنے کے باعث عمارت کو فوری طور پر خالی کرا لیا گیا۔ Rescue 1122 کے اہلکاروں نے کارروائی کرتے ہوئے متعدد فائر ٹینڈرز، ایک باؤزر اور اسنورکل گاڑیاں استعمال کیں۔
احتیاطی تدابیر کے طور پر عمارت کی بجلی منقطع کر دی گئی جبکہ کئی گھنٹوں کی جدوجہد کے بعد آگ پر قابو پا لیا گیا اور کولنگ کا عمل جاری ہے۔
پولیس اور متعلقہ اداروں نے شواہد اکٹھے کرنا شروع کر دیے ہیں اور دھماکے کی اصل وجہ جاننے کے لیے تحقیقات جاری ہیں، جبکہ آتشزدگی کے پہلو کو بھی مدنظر رکھا جا رہا ہے۔یفک کراچی تعینات کر دیا ہے۔