آئی سی سی مینز ٹی20 ورلڈ کپ 2026 کے سب سے بڑے اپ سیٹس میں سے ایک میں زمبابوے نے سنسنی خیز مقابلے کے بعد آسٹریلیا کو شکست دے کر ٹورنامنٹ کی صورتحال بدل کر رکھ دی۔ کولمبو کے آر پریماداسا اسٹیڈیم میں کھیلے گئے گروپ مرحلے کے میچ میں زمبابوے نے انتہائی منظم اور بے خوف کھیل پیش کرتے ہوئے پری ٹورنامنٹ فیورٹ سمجھی جانے والی آسٹریلوی ٹیم کو آؤٹ کلاس کردیا۔

پہلے بیٹنگ کا فیصلہ کرتے ہوئے زمبابوے نے 169 رنز کا مسابقتی مجموعہ اسکور کیا۔ ان کے بلے بازوں نے آسٹریلیا کے مضبوط باؤلنگ اٹیک کے خلاف اعتماد کے ساتھ کھیلتے ہوئے اہم شراکتیں قائم کیں اور پوری اننگز کے دوران رن ریٹ کو برقرار رکھا۔

170 رنز کے ہدف کے تعاقب میں آسٹریلیا ابتدا ہی سے دباؤ کا شکار نظر آیا۔ مضبوط بیٹنگ لائن اپ ہونے کے باوجود کینگروز میچ پر کنٹرول حاصل نہ کرسکے…