دبئی ائیرپورٹس نے اعلان کیا ہے کہ پیر کی شام سے محدود پروازیں بحال کر دی جائیں گی، تین روز قبل ایران کی جانب سے خلیجی اہداف بشمول دبئی اور ابوظہبی ائیرپورٹس پر حملوں کے بعد پروازیں منسوخ کر دی گئی تھیں۔ اتوار سے جاری شدید فضائی حملوں کے باعث مشرقِ وسطیٰ کے بڑے ائیرپورٹس بند یا سخت پابندیوں کے تحت کام کر رہے تھے، جن میں دبئی — دنیا کا مصروف ترین بین الاقوامی ٹرانزٹ حب — بھی شامل ہے، جس سے عالمی فضائی سفر بری طرح متاثر ہوا۔ متحدہ عرب امارات کے دبئی اور ابوظہبی جبکہ قطر کے دوحہ جیسے ٹرانزٹ مراکز یا تو مکمل طور پر بند رہے یا سخت پابندیوں کے ساتھ آپریٹ کرتے رہے اور خطے کی بڑی فضائی حدود بند کر دی گئیں۔ یہ صورتحال امریکا اور اسرائیل کے حملوں کے بعد پیدا ہوئی جن میں ایرانی سپریم لیڈر آیت اللہ علی خامنہ ای کی ہلاکت کی اطلاعات سامنے آئیں، جس کے بعد خلیج میں غیر یقینی صورتحال مزید بڑھ گئی۔