وزیراعلیٰ مریم نواز نے پنجاب میں پہلی مرتبہ اسپتال سے مفت میت منتقلی سروس شروع کرنے کی منظور دے دی ۔ انہوں نے تمام بڑے سرکاری اسپتالوں اور ہرتحصیل میں سرکاری وہیکل سروس شروع کرنے کے لیے پلان طلب کرلیا ہے ۔

وزیراعلیٰ پنجاب مریم نوازشریف کی زیرصدارت خصوصی اجلاس ہوا۔ سیکرٹری ایمرجنسی سروسز ڈاکٹر رضوان نصیر ن بریفنگ دی ۔ ترجمان وزیراعلیٰ پنجاب کے مطابق پنجاب کی ہر تحصیل میں اسپتال سے گھر میت لے جانے کیلئے کم از کم ایک وین میسر ہوگی ۔ مرحوم کے اہل خانہ 1122پرکال کر کے یا اسپتال کاؤنٹر سے مفت وین سروس لے سکیں گے ۔ میت منتقلی سروس کی اسمارٹ مینجمنٹ سسٹم کے ذریعے مانیٹرنگ کی جائے گی ۔ میت کو اسپتال سے دوسرے شہر لے جانے کی سہولت بھی مفت دی جائے گی ۔ اجلاس میں پرائیویٹ ایمبولینس سروس کو بھی ریگولرائزکرنے پراتفاق کیا گیا۔ پرائیویٹ ایمبولینس سروسز کے ریٹ بھی مقرر کرنے کی تجاویز کا جائزہ بھی لیا گیا ۔