انہوں نے کہا کہ اس مقدس مہینے میں سڑکوں پر احتجاج کے بجائے پارلیمنٹ میں آواز اٹھانے پر توجہ دی جائے۔ رہنماؤں نے مشورہ دیا کہ پارٹی اپنے تنظیمی ڈھانچے کو مضبوط کرے اور آئندہ بلدیاتی انتخابات کی تیاری کرے۔
انہوں نے عمران خان کی صحت کے معاملے پر بھی تشویش ظاہر کی اور مطالبہ کیا کہ ان کا علاج ان کے خاندان اور ذاتی ڈاکٹروں کی مشاورت سے کیا جائے۔
رہنماؤں نے زور دیا کہ پارٹی کو ملک میں بڑھتی مہنگائی، معاشی مشکلات، بے روزگاری اور سیکیورٹی صورتحال جیسے مسائل کو مسلسل اجاگر کرنا چاہیے۔
ان کے مطابق مضبوط اور منظم قیادت ہی مؤثر سیاسی جدوجہد کی بنیاد ہوتی ہے۔