سوشل میڈیا پر گردش کرنے والی متعدد پوسٹس میں دعویٰ کیا جا رہا ہے کہ اسلام آباد انتظامیہ نے حال ہی میں Shaukat Khanum Memorial Cancer Hospital & Research Centre کے فنڈ ریزنگ ایونٹ کا این او سی منسوخ کر دیا ہے۔ تاہم یہ دعویٰ درست نہیں۔
شوکت خانم کی وضاحت کے مطابق وائرل ہونے والا خبرنامہ دراصل دسمبر 2023 کے واقعے سے متعلق ہے، جب اسلام آباد میں 29 دسمبر کو ہونے والے فنڈ ریزنگ گالا کے لیے جاری این او سی واپس لے لیا گیا تھا۔
اسپتال کے بیان میں کہا گیا ہے کہ اس کے بعد فنڈ ریزنگ اور تعمیراتی سرگرمیاں بلا تعطل جاری ہیں، اور کراچی اسپتال کی تکمیل دسمبر 2026 تک متوقع ہے۔
اسلام آباد کے ڈسٹرکٹ مجسٹریٹ کے دفتر کی جانب سے 27 دسمبر 2023 کو جاری کردہ خط میں اس وقت ایونٹ منسوخ کرنے کی ہدایت کی گئی تھی، جس کا حوالہ اب دوبارہ شیئر کیا جا رہا ہے۔