سندھ حکومت نے مالی سال 2026-27 کے ترقیاتی پروگرام میں آبپاشی کے شعبے کے لیے 40 ارب روپے سے زائد فنڈز مختص کیے ہیں، جبکہ اس مد میں مجموعی طور پر 186 ترقیاتی اسکیموں کی منظوری دی گئی ہے۔ ان منصوبوں کا مقصد زرعی شعبے کو مستحکم کرنا، پانی کی بہتر تقسیم کو یقینی بنانا اور آبپاشی کے نظام کو جدید خطوط پر استوار کرنا ہے۔

ترقیاتی اسکیموں میں نہروں اور آبی گزرگاہوں کی مرمت و بحالی، پانی ذخیرہ کرنے کی صلاحیت میں اضافہ، سیلابی تحفظ کے اقدامات، آبی انفراسٹرکچر کی بہتری اور زرعی اراضی تک پانی کی مؤثر فراہمی کے منصوبے شامل ہیں۔ حکومت کے مطابق ان اقدامات سے زرعی پیداوار میں اضافہ، پانی کے ضیاع میں کمی اور کاشتکاروں کو بہتر سہولیات فراہم کرنے میں مدد ملے گی۔