پنجاب کی وزیر اعلیٰ مریم نواز نے صوبے میں چھوٹے صنعتی شعبے کو فروغ دینے کے لیے ایک جامع منصوبے کا اعلان کیا ہے، جس کے تحت اضلاع کو مقامی پیداوار، ہنر اور ضروریات کے مطابق صنعتی حب میں تبدیل کیا جائے گا۔ منصوبے کے تحت پنجاب اکنامک ٹرانسفارمیشن کمیٹی قائم کی گئی ہے جو صنعتی صلاحیتوں کی نشاندہی، سیکٹر وائز ایکشن پلانز کی تیاری اور انسانی وسائل کی تربیت پر کام کرے گی۔ مختلف اضلاع میں ڈیری، آئی ٹی، گارمنٹس، سرجیکل اور سپورٹس گڈز، اور دیگر شعبوں کے لیے صنعتی کلَسٹرز قائم کیے جائیں گے تاکہ مقامی مصنوعات کو عالمی مارکیٹ سے جوڑا جا سکے اور اقتصادی ترقی کے لیے پائیدار ماحول فراہم ہو۔